25-28 may tarixlərində MBFWBaku Payız-Qış 2017/2018-in ilk sezonu baş tutacaq.
Üçguşəli ulduzun işarəsi altında prestijli moda nümayişinin keçirilməsi hüququnu “Baku Fashion Week” agentliyi əldə edib.
2000-ci ildə fəaliyyətə başlayan Mercedez-Benz Fashion Week, tezliklə moda dünyasında ən fərqlənən hadisələrdən birinə çevrildi.
Mercedez-Benz Fashion Week – orijinal festivaldır. Burada əsas ideya artıq uzun illərdir yüksək keyfiyyət nümunəsi olan aparıcı alman avtomobil istehsalçısının son yeniliklərinin fonunda müxtəlif dünya xalqlarının mədəniyyət və adət-ənənələrini geniş miqyasda təqdim etməkdir.
Mercedez-Benz Fashion Week emblemi altında Avropa, Avstraliya, ABŞ, Asiya və Yaponiyada moda nümayişləri keçirilir. Artıq bu prestijli siyahıda Azərbaycan da öz yerini tutdu.
İlk Mercedez-Benz Fashion Week Baku-nun keçiriləcəyi yer olaraq şəhərimizin tarixinin və müasir elementlərin arxitektura və dizaynla sıx birləşdiyi məkan seçilmişdir. Bunun nəticəsində Mercedes-Benz Moda Həftəsinin yenilikçi ideyalarının "məlum ruhuna" mükəmməl cavab verən Passage 1901 “məkanı yaranıb”.
Sponsor və dizayner qismində iştirak etmək üçün, həmçinin mətbuat nümayəndələrinin akkreditasiyası ilə bağlı bütün müraciətlər [email protected] ünvanı vasitəsilə qəbul ediləcək.
