NARGIS nəşriyyat evi və Samsung şirkəti dünyanın bütün guşələrindən olan qadınların gözəlliyini üzə çıxaran və kişilərin bəşəriyyətin gözəl yarısını ilk görüşdə necə gördüklərinin sirr pərdəsini açan 4-cü Date Night layihəsini həyata keçirdi. Layihənin əsas ilham pərisi Ülviyyə Mahmudova bu çətin vəzifəni Galaxy S20 Ultra smartfonunun köməyi ilə həll etməyə çalışdı. Çəkdiyi 29 fotoda model Rəşidə Süleymanova kolorit obrazlara büründü. Obrazlara dönüşmə qadının əyani şəkildə dəyişdiyini göstərən makiyaj sayəsində baş verdi, zərafətlə seçilmiş atributlar isə autentik atmosfer yaratmağa kömək etdi. Qızın görüşə gəldiyi sujet xətti hər bir fotoda təkrarlanır. İlk görüş. Tanışlıq. Bəs kişi onu necə görür? İlk təəssüratı necədir?
